ما حز في صدري الا : [ .. منظر قفايتــه .. ] ..!

السلام عليكم ..






حزينة [ المضمون ] ،، الا انها مغلفه بـ / اجود انواع الابداع ..




\
/









ليل الـوداع العبـوس الموحـش القمطريـر
البارحه دقـت الساعـه علـى [ بدايتـه ]
جبرني الوقت غصـب اوادع اغلـى عشيـر
عشيـري اللـي فـي قلبـي شيَـد بنايـتـه
ماهو ب/ ودي ، لكن وضعي ووضعه خطير
فـي ايامنـا المقبلـه وايامـنـا الفايـتـه !
ياصاحبـي هـذي الدنيـا وهـذا المصـيـر
كم عاشقٍ في المحبه مـا وصـل غايتـه
تعـال اباوادعـك واذكـر غلانـا بخـيـر
ومـع السلامـه فـي حفـظ الله ورعايـتـه
وحضني وقال : هل هذا الـوداع الاخيـر ؟
قلت : الله اعلم ب/ وضع الوقت وحكايتـه
قال : الغلا ؟ قلت : مالك في حياتي خشيـر
قال : احلف ، وقلت : ب/ اذن الله وب/ شايته
واقفى وانا في مكانـي مـا قويـت المسيـر
اقـاوم العبـره اللـي فـي النحـر بايـتـه
قاومتـهـا مـيـر والله العـزيـز القـديـر
ما حز في صدري الا / منظـر قفايتـه !
اقفايـة اللـي غـزوه القـوم قبـل النـذيـر
واقفـوا ب/ ذوده وقـفـاَ نـاكـسٍ رايـتـه
الحب ماهـو خيـر ، الحـب شـرٍ شريـر
بدايتـه طيبـه ، ميـر البـلا نهايتـه ..!