صكــــــــــــات بقعــــــــا // ولـــيد آل عــمــر

السلام عليكم ورحمة الله وبركاته

أتــركـــكــم مع هــذه الــرائــعـــه








أحمد الله وأشكره بالصبـاح وبالهجـاد
كافل الأرزاق ماخـاب عبـدٍ يرتجيـه
يالله يامعطي العطايـا ويـارب العبـاد
دل منهو يستخيرك لما ضاقـت عليـه
في سموم القيـظ ولا ذعاذيـع البـراد
من جلالك خاشعٍ لك ويرفع لـك يديـه
اغفر لعبدٍ من الخوف يرضـا بالزهـاد
مبعدٍ نفسه عن الذنب والذنـب يحديـه
الذنوب تراود النفـس والدنيـا جهـاد
والطمع وذنوب الأيام ماتغـري نزيـه
والذنوب ليا انكفت جات بثيـابٍ جـداد
وحظ من صكات بقعا لا صكته تهديـه
والزمان يـدور والنـار تاليهـا رمـاد
والحياه فراق وفراق من تغلـي كريـه
الأسامي وزنهـا فالزمـن معـاد فـاد
مايفيد ان صـار مافيـه مـالٍ تقتنيـه
ان زرعنا الطيب فالقاع مانجني الحصاد
وان جينا مالقينـا ثمرنـا اللـي نبيـه
ياهجوس الليل نحي معي مع كـل واد
يوم زان الكيف والشعر ضيفٍ نحتريـه
لي ثلاث أيام والعيـن ماجاهـا الرقـاد
البلا فالقلب والراس مدري ويش فيـه
من ردى الأصحاب ولا ردى الحظ الوكاد
قدر الله الصبر والفـرج نرقـب مجيـه
ليت همـي ياحيـاة العنـا لقمـه وزاد
كان ماني بألعن الحظ وألعـن والديـه
تابعينٍ رزقنـا مـن بـلادٍ لـي بـلاد
وكسبنا يوم الجهل كسب ماحن نشتريه
غير نكبات الزمن جرحها ماله ضمـاد
من دهاها فالبشر ماسلـم منهـا نبيـه
يالمعنا واحذر انـك اتلاعـب بالزنـاد
لاتعود مثل من ثـور البنـدق ف أبيـه
أعرف ان الشيخ لا طاح من فوق الشداد
لاتمادى بالخطأ عند ابن عمـه واخيـه
واعرف ان اللي بينقا وفي وجهه سواد
ماله ألا البيضا من فم بيضان الوجيـه
الصدور قبور والحلـم ماحقـق مـراد
والرجل لاخير به كان مانومس ذويـه
والظروف تحد وأصحابنا مثـل الجـراد
غير وين اللي لضاقت نعنزهـا عليـه



.
/
\
/
\
شعر // ولــــيد آل عــمــر