الـعـيـن تـعـسـف دمـعـهـا دون خــيــال
والـهـرج يعـجـز عـــن كـــلام اللـبـاقـه
هــات الــدلال وبـهــر الـقـلـب فـنـجـال
وأشـرب معـي ياصـاح هيـل الصـداقـه
كـان الغيـاب اللـي كسـر خـوتـك طــال
وش حيلـة الـلـي غــاب عـنـه إشتيـاقـه
تـعـال وأنـظـر كـيــف دونـــت تـمـثـال
مــن جـرحـي الـلـي قـابــلا" لـلإعـاقـه
كـم مـن صديـق" يزعلـه قـيـل أو قــال
وكــم مــن رفـيـق" جـاهــلا" للـرفـاقـه
وكم من عزيز" صف مع صف الأنذال
وكـم مـن سهـم صوبـي جهـز لإنطلاقـه
ماأرتحت مع عم" ولاأرتحت مع خـال
ولاأرتحـت مـع قلـب رفضـت أعتنـاقـه
إلا أنــت يـاسـيـد المـغـاويـر الأبـطــال
حـتـى بـمـرك شـفــت حـلــو الـصـداقـه
لــو المحـبـه تـنـشـرى بـجــاه أو مـــال
رصــدت لــك ملـيـون طـاقــه وطـاقــه
أنــت الــورود الزاكـيـه ريحـهـا جـــال
لا والله ألا أنـــــت يـــاصـــاح بـــاقـــه
إن قـلـت لــك قــول تعاكـسـه الافـعــال
أعــرف تــرى قلـبـي قبـلـت إحـتـراقـه
خذهـا عهـد منـي ولــو هالـزمـن طــال
مـاأنـسـى رفـيــق مـعـتـنـي بـالـرفـاقـه
الأحد 31 مايو 2009, 8:16 am
