أتــرككم مع هـــذه الــرائــعـــه للشــــــاعــر مــحــمــد بن صــويــــان
وهو شــــاعــر من الــوزن الـثـقــيــل وأبو ظــــافر غــنـي عن الــتــعــريف
إلــيكم هــذه الــرائــعــه
الشعر له جنـدٍ مـن الجـن مرجـوج
بسبابـه الشاعـر تجـي فيـه رجـه
والنادره لاجـات مـن مثلـي تـروج
والصدق نور .. وحجة الشعـر حجـه
قـبُ المعانـي للصعيبـات مسـروج
وأنصـاف شعـار المجـلات دجــه
وسط البحر دوامـة البحـر والمـوج
وسبـع البحـور أمواجهـا مستلجـه
ياللي تبي تجتاحهـا فـوق هجهـوج
غلطان وأكثر هرجـة النـاس ضجـه
والوجه الأبيض من صباح أمس مبلوج
وأنا بفضل اللّه على أبيـض محجـه
ماعمري أحتجيـت وأقفيـت مفلـوج
وإلا خصيـم الحـق كــلٍ يحـجـه
وماني براعي هرج من قبـل مهـروج
هرج الفتـى مـن لـبُ قلبـه يزجـه
هرجٍ سوات المسك بالـورد ممـزوج
ينعش وتآخذ به هـل العـرف سجـه
لاشفت صح الغير .. والعكس مدمـوج
أقـول كـلٍ لـه طريـقـه وفـجـه
هذا وأنا مالـي ورا الشعـر مـدروج
إلا ربيـع الهيـض عـن كـل عجـه
واللّه يرج اللي من الشعـر مرجـوج
والشاعر الشاعـر تجـي فيـه رجـه
الأحد 31 مايو 2009, 8:29 am
