شاعر تروقلي قصايده واتمنى ان يروق لكم اختياري
اترككم مع القصيده
الدمع يغسلني من ذنوب الهوى يوم البـروق
تبرق بقلبي والسحاب تهـل عينـي ماطـره
ياوجد حالي لا انتحى الطاري وانا يمه شفوق
وعرفت كم له مبعداً عني وكم لـي ناطـره
جريت من حر التواسي والمآسي والطـروق
صوت ابدويً صاح لبلـه وجذبتهـا فاطـره
ياقلبي اغرق في سبات الحلم عنه ولاتفـوق
الا بعرقـاتـه لياتعـاقـبـت مـخـاطـره
لك صاحبً كيته ماتلهي وجرحـه مايعـوق
وقلبه حصاةً من جبال ابها وكفـه شاطـره
انقدر الله ذات يوم وخانتك بعـض الوفـوق
واركبت نفسك في القطار وغايتك في القاطره
تقبل الدنيا بمـا جتبـه تـروق أو ماتـروق
حظك ورزقك عند نشاي السحاب وفاطـره
لو أن عيني دمعها مـدرار وتحـن وتتـوق
في ذمتي ذمه ما ابادلـه الجفـا واشاطـره
حتى لو انه من يكون ومن سلالات وعروق
اللي ماقدر خاطري مانيـب أقـدر خاطـره
الأحد 31 مايو 2009, 8:46 am
